لما تبتدي تتمرن بتحس انك عاوز ترجع

🔵هنتكلم عن مشكلة بتحصلنا في التمرين وتحديداً للناس اللي بتكون اول تمرينة ليها⁉️
♦️ لما تبتدي تتمرن او تجرى🏃‍♀️🏃‍♂️بتحس انك عاوز ترجع🤔
أولا دى حالة فالطب تسمى “Exercise induced nausea”
💡كثير بيفكر ان دا دليل على ان جسمك مش رياضى لانها فى المعظم بتحصل فى الايام الاولى من التمارين عند معظم او كل الناس لكن دا عكس الحقيقة
المشكلة فى الجهاز الهضمى (الا وانا مالى يا لمبى😂)

💡المشكلة تكمن في ٣ حاجات⁉️

📍لما حد يتمرن (وخصوصا تمارين الكارديو وتمارين الرجل لانهم بيحتاجوا ضخ دم عالى) بيبقى حوالى 80 فى الماية من الدم انتقل من الاجهزة المختلفة زى الجهاز الهضمى للعضلات والرئة - لكن كان جهازك الهضمى بالطبع شغال فلما حصل ان الدم انتقل منه مبقاش عارف يشتغل ف ك رد فعل عكسى يتحرك حركة جامدة جدا تؤدى للاحساس بالقئ♻️

📍او ممكن يكون السبب شدة التمرين عالية جدا وبالتالى ترسيب بعض المركبات زى الهيدروجين واللاكتيك اسيد ودا هيحول الدم لحامضى ودا بيساعد فى الاحساس بالقئ

📍او ممكن تكون المشكلة نتيجة الجفاف
او شرب مياة زيادة عن اللزوم
فلازم تشرب ماية بس باعتدال بديل للفقد فى التمرين بسبب العرق
_________________________________________
🔴نصائح لتفادى المشكلة⁉️

💡الوجبة اللى قبل التمرين مهمة جدا فى توقيتها
لان لو قبل التمرين بوقت غير كافى هيبقى الجهاز الهضمى مخلصش شغل
فلما الدم يمشى من الجهاز الهضمى للعضلة هيبقى رد فعل الجهاز الهضمى العكسى اقوى
💡المفروض الاكل يبقى من ساعة ل3 ساعات قبل التمرين
ودا حسب طبيعة كل شخص
لان لو حد بياكل قبل التمرين ب 3 ساعات وبيجوع ساعة التمرين يبقى المفروض👈يقلل الوقت بين التمرين والاكل تبقى ساعتين مثلا
♻️الاكل اللى فيه فات كتير وخاصة الدهون المشبعة بيحتاج وقت اطول للهضم وبيزود افراز ال bile acid وبالتالى هيزود المشكلة اكتر👈وبالتالى حاول تاكل المأكولات الدسمة بعيد عن وقت التمرين

💡حاول كمان تاخد وقت راحة بين المجموعات بحيث الدم يعرف يوصل للجهاز الهضمى
_______________________________________
🔴تعمل ايه ساعة الاحساس بالقئ علطول⁉️

💡لو حصلت المشكلة فى نص التمرين
مينفعش تكمل لان اصلا جسمك بينبهك عشان متكملش
ومينفعش تتوقف مرة واحدة لان الدم هينتقل للجهاز الهضمى مرة واحده ويزود المشكلة
ممكن ساعتها تتمشى شوية او تتحرك حركات بسيطة