لو عايز ضخامة عضلية ممتازة للباي سيبس

موضوع مهم جداً ليك لو عايز ضخامة عضلية ممتازة للباي سيبس ⛔️

‎معظمنا عارف ان عضلة الباي سيبس مكونة من رأسين :🤩

1- LONG HEAD
2- SHORT HEAD

‎وعضلة الباي من العضلات الـ بتمتاز بشكل جمالي بسبب ضخامتها وبروز شكلها ،، وكمان من الـ عضلات الـ بتتطور بشكل سريع بسبب ان هي عضلة سريعة الاستشفاء

‎+ ان معظمنا في الحياة العادية لما بنشيل اي حاجة او بنعمل مجهود بتبقي الباي عضلة مساعدة دايماً معانا فا تلاحظ ان شكلها بارز حتي لو انت مبتتمرنش🤯

‎قدامك في البوستر تمرينتين مهمين جداً من الأخر عشان تعمل باي سيبس عدالة 🤣

‎١- البار الضيق 🛑

‎هتمسك البار زي المسكة الـ في الصورة بالظبط المسافة بين ايديك الاتنين حوالي ١٥ سم .

‎التمرينة ديه بتجيب عضلة الباي ( long head ) وهي الجزء الخارجي لعضلة الباي سيبس !
‎والتمرينة ديه هي الـ بتعمل شكل الكيرف الـ بيبيان من الجنب ،، تحس ان الباي بارزة وشكلها متحدد من الخارج 🤘

‎❌ ملحوظة ❌

‎١- التمرين ده منصحش بيه للمبتدئين .

‎٢- محتاجة عضلات ساعد قوية فا لو حسيت بوجع في الساعد وخصوصاً لو حاطط وزن تقيل ،، انقل للبار الزجزاج واهتم بتمرين الساعد مرتين في الاسبوع .

————————————-

‎٢- البار الواسع 🛑

‎هي المسكة المسئولة عن ضخامة
‎ عضلة الباي ( short head )

‎وديه الجزء الداخلي للباي ،، يعني لو عايز الجزء الداخلي بارز وضخم عليك بالبار الواسع

‎طب اداء التمرين ؟ 🛑

‎هتلاقي اللينك في كومنت🤘

‎١- هتقف وتمسك البار وقبضتين ايدك نفس مستوي كتفك زي الشكل الـ قدامك مع تني ركبتك سنة عشان متحملش علي ضهرك .
ده بالنسبة للـ LONG HEAD ✅

هتقف وتمسك البار وقبضتين ايدك برة مستوي كتفك زي الشكل الـ قدامك مع تني ركبتك سنة عشان متحملش علي ضهرك .
ده بالنسبة للـ SHORT HEAD ✅

‎٢- بدون تحريك كتفك ودراعك كله ! بتطلع وانت مثبت دراعك بالحركة الايجابية مع نفس شهيق وحاول تحس بإنقباض العضلة بأكبر الإمكان 😉

‎٣- تنزل بالبار ببطء نسبي اهم حاجة والاهتمام بالحركة السلبية مع نفس زفير وتنزل لقبل الأخر بحاجة بسيطة ولكن متفردش كوعك للأخر 😉

‎❌ ملحوظة يا كابتن ❌

‎قبل اداء تمارين الباي انصحك بتسخين الساعد كويس جداً بالحركات الهوائي واللينك في كومنت

‎وده كان مقال النهاردة يارب تكونوا استفادتوا ومتنساش تعمل شير ومنشن لصحابك عشان يستفادوا زيك 😉♥️