امرن الصدر ! وامرن معاها باي ولا تراي ؟ ولا امرن ضهر ! وامرن معاها باي ولا تراي ؟

في

مقال النهاردة عن موضوع بيحير ناس كتير جداً 🤯💥
امرن الصدر ! وامرن معاها باي ولا تراي ؟
امرن ضهر ! وامرن معاها باي ولا تراي ؟
دايماً بنحتار في القصة ديه ونخش نقرا علي النت كتير عشان نعرف اجابة موحدة ! وهتلاقي ان ينفع تمرن علي سبيل المثال ✍️
الضهر مع الباي سيبس او مع التراس سيبس 🤔
لحد دلوقتي مفيش تجارب عملية او مدرسة ثابتة بتقولك ديه ينفع وديه متنفعش ✋
بس خلونا نتكلم عن الجانب العملي دلوقتي 🛑
- انت لما بتتمرن ضهر ! كلنا بنبقي عارفين ان عضلة الباي سيبس بتبقي عضلة مساعدة معاك ،، وبالتالي بعد ما بتخلص تمارين الضهر بتلاقي ان عضلة الباي سيبس مولعة منك ومشدودة ✋
لما تيجي تمرن بقي باي سيبس مع الضهر هتلاقي نفسك بالكبير في تمرينتين بتعمل اداء ٥٠٪؜ من الاداء ١٠٠٪؜ الـ عملته في تمرين الضهر بسبب ان الباي سيبس بتكون اشتغلت معاك في الاول وساعتها هتلاقي نفسك مش قادر تكمل ٣ او ٤ تمارين باي سيبس وهنا ديه وجهة نظر انت مديتش الباي حقها في اليوم ده فهتكتفي بتمرينتين ومش هتعرف تعزل كويس عضلة الباي سيبس حتي لو خليتهم ٤ تمارين مثلاً لو زودت وزن محترم ! مش هتعرف تأدي كويس ❌
( والكلام ده مش مدرسة ثابتة ولكن عن خبرة وتجربة )
وانت ممكن تجرب الكلام ده ✅
وهكذا نفس الكلام علي عضلة الصدر بتشتغل معاها كعضلة مساعدة التراي سيبس !
بالتالي بعد ما تخلص تمرينة الصدر فهتحس ان التراي معاك مشدودة ومنهكة ! فا برده نفس القصة لو اتمرنت تراي سيبس مع الصدر مش هتعمل غير ٥٠٪؜ اداء وديه نسبة قليلة وبالتالي مش هتدي التراي سيبس حقها ❌
( والكلام ده مش مدرسة ثابتة ولكن عن خبرة وتجربة )
وانت ممكن تجرب الكلام ده ✅
لو جربت الاتنين هتلاقي نفسك عملت نتيجة اوضح لما تمرن :
🛑 الصدر + الباي 🛑
🛑 الضهر + تراي 🛑
وعن تجربة هتلاقي ادائك في العضلات المساعدة
( الباي + التراي ) كويس جداً وهتلاقي في وضوح اكتر في النتيجة وده الـ بنصح بيه ✅
مقالنا خلص يارب اكون فيدتكم متنسوش تعملوا منشن وشير للكل عشان يستفادو ♥️🤘

تعليقات

إرسال تعليق