العقلة

النهاردة بقي موضوعنا عن اكتر تمرينة معظمنا لما بيسمع عنه بيجيله رعب 🤯

#العقلة 🤩

من اقوي التمارين حرفياً ،، معاك في الجيم وفي البيت وفي اي حتة انت عايزها 😉

تمرينة محترمة جداً معظمنا بيستهتر بيها وميعرفش اهميتها في تعريض عضلات الضهر 🤯

التمرينة الـ من الأخر وبالصلاة علي النبي !
لو عايز ضهر عريض وشكله شيك !
هتلاقيها بتقول انا موجود عشانك .

⛔️ بس انا مبعرفش اجيب عدة عقلة حتي وتمرينة تقيلة عليا ! ⛔️

تعالي بقي نعرف ياعم ازاي تبسطها علي نفسك ✅

١- ⛔️ التسخين ⛔️

اول حاجة عشان تعرف تلعب عقلة كويس وانت مستريح ! لازم تكون مسخن كويس كتفك بالحركات الدائرية وكمان تعمل استريتشات كويسة لضهرك وخصوصاً يوم الضهر تجنباً لأي اصابة لقدر الله ☝️

٢- ⛔️ الاسبوع الاول ⛔️

انك في اول اسبوع كدة يومياً تطلع علي العقلة وتثبت من ١٥ ث لحد ٤٠ث
ويوم بعد يوم حاول تخليهم ٥٠ ث وبعدين دقيقة 🖐

٣- ⛔️ الاسبوع التاني ⛔️

هنعمل حاجة اسمها نص طلعة ! 😉
يعني ان اطلع نص طلعة صغيرة وانزل بس بأقل حركة ومن غير مرجحة ،، بس تطلع وتنزل عمودي .

٤- ⛔️ الاسبوع التالت ⛔️

بعد ما تمشي علي نص عدة لمدة اسبوع كمان !
هننقل للمرحلة الـ بعدها !
هتحاول تجيب العدات ال تقدر عليه لحد ما تلاقي نفسك استكفيت ! وهتكرر الكلام ده لمدة اسبوع 3*10 🖐

٥- ⛔️ الاسبوع الرابع ⛔️

هتلاقي نفسك بدأت تجيب عدات ١٠/١٠ 😉
حتي لو ٧ عدات بس اهم حاجة بتكنيك صحيح وببطء ! وديه اهم حاجة عندي 🖐

ويا سلام بقي في لو كل تمرينة تنزل عقلة ٣ مجموعات واتفرج بعد كدة هتبقي عامل ازاي 🤯
هتحب العقلة ساعتها ومش هتستتقلها .

نقط مهمة ✅

⛔️ العقلة مش بتتطول ولا حاجة ⛔️

⛔️ العقلة ساحرة تعريض الضهر ⛔️

⛔️ التسخين مهم جداً قبل العقلة متحسبش ان انت بتسخن بالعقلة عشان تخش التمرينة بعدها ⛔️

ويارب تكونوا استفادتوا بالمقال ومتنساش تفيد غيرك واعمل منشن وشير وانفايت ♥️😉